Pakistan Political Talk Shows, Drama Serials, Khabar Naak,Hasb-e-haal: 02/14/15

امریکی ہتھیار (اختلافات کا بیج) / قدوسی

استعمار نے کس طرح اسلامی دنیا میں فرقہ واریت اور تکفیر کا بیج بویا اور اس کے ذریعے اپنے پہلے سے معین شدہ مفادات کو حاصل کیا۔جن میں سے ان علاقوں کے قدرتی وسائل پر قبضہ کرنا ہے۔ہم یہاں اسکے بیرونی اسباب کے متعلق بحث کریں گے۔

اسلامی ممالک میں فرقہ واریت کا بیج بونےکیلئے چند ایک چیزیں امریکی پالیسی کیا حصہ ہیں جیسے،شیعہ اور سنی کے درمیان اختلافات کو ہوا دینا،مسلمان قبائل اور گروہوں کو بھڑکانا۔لائیک،اسیکولر اور ناجائز حکومتوں کی سرپرستی کرنا،افواہیں پھیلانا،پراپیگنڈا کرنا،مسلمانوں کو باہمی آشنائی سے روکنا،اختلافات کو بڑا کرنا ،اختلافی کتب کو منشر کرنا شامل ہے۔اس کے برعکس مشترکات پراعتماد،مسلمان ملکوں کو نزدیک کرنا،دشمن کی دھمکیوں کے مقابلے میں اسلامی معاشروں کو تقویت کرنا،امت واحدہ کی تشکیل،علماء کا تعاون،اپنی اور دشمن کی مکمل پہچان،اسلامی دنیا میں اتحاد و وحدت قائم کرنے میں مددگار ہیں۔

بے شک امریکیوں کیلئے جو چیز سب سے زیادہ اہمیت رکھتی ہے وہ یہ کہ اسلام کے دو بڑے ستون شیعہ اور سنی میں اختلاف کی آگ بھڑکانا ہے۔اور اس سے انکا اصلی ہدف اور مقصد اسلام کی نابودی ہے۔اگر امریکی دین اسلام کی ایک خاص تشریح کو قبول اوراسکی تبلیغ کرتے ہیں اور دوسری کی مخالفت کرتے ہیں تو اسکا مقصد یہ ہے کہ اس کے ماننے والوں کو اپنی طرف جذب کرکے انہیں اپنے اہداف کیلئے وسیلہ بنایا جاسکے۔دشمن کی طرف سے ایک خاص گروہ یا فکر کی تائید کرنے کے حوالے سے یہ بات واضح ہوجاتی ہے کہ انکا مقصد دین اسلام ہے اور وہ اس طریقے سے نابود کرنا چاہتے ہیں،جیسے ہی دین مبین اسلام کی نابودی کی بنیاد بنے گی یہ اسے نابود کرنے میں اسے ایک لمحہ بھی تاخیر نہیں کریں اور اسکے ساتھ وہی کریں گے جو انہوں نے ماضی میں اندلس میں انجام دیا تھا۔

اگر ہم تھوڑا سوچیں تو ہم اس نتیجے پر پہنچ جائیں گے کہ اسلام کے دو بڑے ستون شیعہ اور سنی ہیں اور ایک گروہ جسے ان دونوں کی تکفیر کی ذمہ داری سونپ دی ہے اور مخصوص فکر کو پوری دنیا میں ہتھیار کے طور پر پھیلایا جارہا ہے۔ پچھلے دنوں وفاقی وزیر سید ریاض پیرزادہ نے کہا کہ سعودی عرب اپنے پیسے سے پاکستان سے لیکر بوسنیا تک آگ لگانا ہے اور مخصوص سوچ کو نافذ کرنا ہے۔مخصوص سوچ کے حامل افراد اور مدارس کو سعودی امداد فراہم کی جاتی ہے لیکن سرکاری طور پر کم اور غیر سرکاری طور پر بے بہا پیسہ دیا جاتا ہے تاکہ مسلمانوں کی تکفیر کی جاسکے۔اس سے قبل امریکی ایما پر سعودی عرب نے افغان جہاد کی داغ بیل ڈالی اور آج تکفیر کی گولی سے کھیل رہا ہے۔ شیعہ اور سنی چودہ سو سال سے اکٹھے زندگی بسر کرتے آئے ہیں۔ایک دوسرے کی خوشی غمی کے شریک ہیں۔دشمن کا ید واحد کی طرح مقابلہ کیا ہے۔وہ ایک دوسرے سے شادیاں بھی کرتے ہیں اور ہنسی خوشی رہتے ہیں۔پس ہمیں سوچنا چاہیئے کہ اس فرقہ واریت جسے دشمن سالہا سال سے اور امریکہ عصر حاضر میں اسے کنٹرول کررہا ہے اور اسلام اور مسلمانوں کے خلاف ایک ہتھیار کے طور پر استعمال کررہا ہے۔جسکا سب سے زیادہ نقصان ہم مسلمانوں کو ہی ہوا ہے اب یہ ہماری ذمہ داری بنتی ہے کہ ہم دشمن کی سازشوں کو سمجھیں اور اتحاد اور وحدت کیلئے انتہائی جدوجہد کریں اور اسے اولویت دیں تب ہی ہم دشمن کی سازشوں کا مقابلہ کر پائیں گے ورنہ وہ ہمیں تنہا اور کھوکھلا کرکے نابود کردے گا۔

Dunya News 9pm Bulletin – 14th February 2015

Watch Today’s Daily News Bulletin from Dunya News.

Dailymotion

Playwire

Geo News 9pm Bulletin – 14th February 2015

Dailymotion

Ebound

گلوبل سامراج / ذیشان حیدر

گلوبل سامراج / ذیشان حیدر

دنیا کی تباہی کیلئے کسی کو کچھ کرنے کی ضرورت نہیں بلکہ اس خدمت کیلئے امریکہ حاضر ہے۔ جو اس وقت پوری دنیا کیلئے ایک خطرہ بنا ہوا ہے۔ کبھی دہشتگردوں کی حمایت اور انکی مالی ،اسلحی امداد کرتا ہے اور پوری دنیا کو جو امن کا ایک نمونہ تھی اسے آگ کے تنور میں بدل دیا۔فرقہ واریت کا ناسور اسلامی ممالک میں ایسا پھیلایا کہ ہر شخص ایک دوسرے کو قتل کرنے پر تلا ہوا ہے اور ایک دوسرے کی تکفیر کرنے پر لگا ہوا ہے۔جس کی ایک مثال ایکامریکیکارکن کی وہ باتیں ہیں جو انہوں نے ایک انٹرویو میں کہیں ہیں۔انکے مطابق عراق،افغانستان میں مہلک جنگ اورشام میں پراکسی جنگ سےیہ صاف ظاہرہوتاہےکہامریکی سامراج دنیاکیلئےسب سےبڑاخطرہ ہے۔

امریکی کارکن جو لاسبیکر نے کہا ہے کہ کہ عراق، افغانستان میں مہلک جنگ اور شام میں پراکسی جنگ سے یہ صاف ظاہر ہوتا ہے کہ امریکی سامراج دنیا کیلئے سب سے بڑا خطرہ ہے۔

جولاسبیکر نے کہا کہ دنیا کی عوام کیلئے امریکی سامراج سب سے بڑا خطرہ ہے۔ انہوں نے کہا کہ عراق ، افغانستان میں غیر منصفانہ جنگ اور شام میں پراکسی جنگ سے گذشتہ بارہ سالوں میں دسیوں لاکھ افراد اپنی جان گنوا چکے ہیں۔ اور یہ امریکی سامراجیت سے دنیا کو لاحق خطرے کی ایک واضح مثال ہے۔

لاسبیکر نے کہا کہ بگرام اور گوانتانامو جیل میں کسی بھی طرح کا انصاف نہیں ہوتا ہے یہ تشدد کا ایک مرکز ہے اور یہاں ان لوگوں پر تشدد برپا کیا جارہا ہے جو امریکی قبضے اور جنگ کے خلاف مزحمت کرتے ہیں۔

بگرام جیل سے کچھ قیدیوں کی رہائی کے افغان حکومت کے فیصلے پر انہوں نے کہا کہ اس جیل سے قیدیوں کی رہائی گوانتانامو جیل سے ملی آزادی کی طرح ہے۔

انہوں نے کہا کہ افغان حکومت اس جیل سے قیدیوں کو اس لئے رہا کر رہی ہے کیونکہ ان کے خلاف کوئی ثبوت موجود نہیں ہے اور حکومت امریکہ اس عمل کو روکنے کی بھرپور کوشش کررہی ہے۔

انہوں نے مزید کہا کہ امریکی حکومت ایک طویل المدت عرصے سے افغانستان میں قیدیوں کیلئے عدالتیں قائم کرنے کے خلاف رہی ہے کیونکہ ان قیدیوں کے خلاف بہت ہی کم ثبوت موجود ہیں۔

واضح رہے کہ افغان حکومت ثبوت نہ ہونے کے سبب بگرام جیل سے قیدیوں کو رہا کررہی ہے جبکہ امریکہ اس کی مخالفت کرتے ہوئے اس عمل کو سیکورٹی کیلئے بڑا خطرہ تصور کر رہا ہے۔

یہی وجہ ہے کہ امریکہ پوری دنیا کو دشمن بنا ہوا ہے اور پوری دنیا کو تباہ کرنا چاہتا ہے۔اسے صرف اپنے مقاصد اور اہداف سے مطلب ہے خواہ اسے پوری دنیا کو تباہ کرنا پڑے۔اس لیے ضروری ہے یہ آواز دنیا کے ہر ذی شعور تک آواز پہنچائی جائے اور اسے بیدار کیا جائے تاکہ آنے والے خطرے سے بچا جا سکے۔

امریکی سامراجیت / مجاہد قادری

امریکی سامراجیت / مجاہد قادری

جمہوریت اور انفرادی آزادی کو جدید مغربی تہذیب میں وہی مرکزی مقام ہےجو ایک مسلمان کےعقیدے میں اللہ تعالیٰ کی وحدانیت اور رسول کریم صلی اللہ علیہ وسلم کےخاتم النبین ہونےکا ہے۔ جس طرح ایک مسلمان ان دوصداقتوں کےبغیر صاحبِ ایمان نہیں ایسےہی مغربی تہذیب ان دو اکائیوں کےبغیر اپنا وجوداور تشخص کھو بیٹھتی ہے۔اکیسویں صدی میں مغربی تہذیب کےاس عقیدےمیں دعویٰ کی حد تک توکوئی بنیادی تبدیلی واقع نہیں ہوئی لیکن عملی طورپر مغرب جدید بلکہ مابعد جدیدیت مغرب (post modern West) کا جو چہرہ ۱۱/۹ کےبعد منظرعام پر آیا ہےوہ اس عقیدہ کی مستند طور پر عملی تردید کرتا ہے۔ چنانچہ ۱۱/۹ کےبعد امریکہ نےجمہوریت اور انفرادی آزادی، دونوں کی دھجیاں اڑادیں۔ امریکی شہریوںکو ملکی سلامتی کےنام پر غیرمعین مدت کےلیےزیرحراست کر لینا،ڈرانا دھمکانا ایک معمول بن گیا اور جمہوریت کی جگہ امریکی سامراجیت اور سلطنت کےفروغ کےلیےقوت کا استعمال نہ صرف مباح بلکہ ضروری قرار دے دیا گیا۔

جدید سامراجیت کےلیےیہ ضروری نہیں کہ وہ جغرافیائی طور پر کسی ملک یا خطےکو اپنےدائرہ اثر میں لےآئے۔ آج عالمگیریت کےزیرعنوان سینکڑوںہزاروںمیل دُور بیٹھ کر بھی امریکی سامراجی طاقت قوت، دھونس اور دھمکی کےبل پر کسی بھی ملک پر سیاسی طورپر قبضہ کرنےاور اس کی معیشت،سیاست،معاشرت اور ثقافت کو اپنےرنگ میں رنگنےکو نہ صرف جائز بلکہ انسانیت کی خدمت قرار دینےمیں شرم محسوس نہیں کرتی۔

نیا سامراجی نظام ’’قبل از قتل قصاص‘‘ کرنےمیں نہ صرف کوئی تکلف محسوس نہیں کرتا بلکہ اسے’’عالمی امن‘‘ ،’’عالمی سلامتی‘‘ اور ’’عالمی حریت‘‘ کےقیام اور بقاء کےلیےاپنےاوپر ایک فرض اور قرض سمجھتا ہے۔ چنانچہ pre-emptive strike کا نظریہ ہو یا کسی ملک پر جبراً اور قہراً جمہوریت کےنام پر اپنےگماشتوں کو مسلط کرنا ہو اپنےلیےذرائع حرارت و قوت کےحصول کی غرض سےعراق کےتیل کےکنوؤں کو ۳۳ سال کےلیےامریکی اور یورپی یونین کی کمپنیوں کو من مانی شرائط پر دےدینا ہو۔ یہ جدید سامراج ان تمام گھناؤنےجرائم کو عراقی عوام کی نجات دہندگی سےتعبیر کرتا ہےاور عراق کے۶لاکھ نہتےشہریوں، بچوں، بوڑھوں اور خواتین کےقتل کو اس مقصد کےلیےمباح بلکہ واجب سمجھتا ہے۔ خرد کا نام جنوںرکھ دینےاور جنوں کو خرد قرار دینےکی اس سےبہتر مثال اکیسویں صدی میں ملنی مشکل نظر آتی ہے۔

بہت سےمسلم سربراہان امریکہ کےجدید سامراجی اقدامات کی حمایت بلکہ امریکی سامراج کےجرائم کی ذمہ داری اپنےسر لینےکو اپنےلیےباعث افتخار سمجھتےہیں۔ یہ بےضمیر افراد طاغوت کےسامنےسجدہ ریز ہونےکو اپنی معراج تصور کرتےہیں اور دوسری جانب ایسےامریکی غیر مسلم دانشور ہیں جو امریکہ کی سامراجیت کو امن عالم کےلیےایک مہلک خطرہ قرار دینےمیں کوئی جھجک محسوس نہیں کرتے۔ James Putzel جس کا تعلق لندن ا سکول آف اکنامکس کےCrisis States Development Research Centre سےہےیہ کہنےمیں باک محسوس نہیںکرتا کہ امریکہ کی حالیہ پالیسی خصوصاً بش کا نظریۂ پیشگی ضرب (Pre emptive strike) بین الاقوامی قانون کی دھجیاںاڑانےاور شہری آزادیوںکو نیست و نابود کرنےکی ایک آمرانہ کوشش ہے*۔

اس طرزفکر کی نشاندہی بہت سےدیگر مغربی دانشور اور محقق بھی کر رہےہیں۔ مثلاً یونیورسٹی آف نیبرا سکا،کینیڈامیں سیاسیات کےمعروف پروفیسرڈیوڈ پی فورسیتھ (Daivd P. Forsythe) اپنےمقالہ *U.S Policy towards Enemy Detainees in the “War on Terror” میں امریکی مظالم اور جرائم کا مقابلہ فرانس کےسامراجی دور میں الجزائر میں کیےگئےمظالم سےکرتا ہےاور امریکی تشدد اور حقوق انسانی کی خلاف ورزیوں کی شدت سےمذمت کرتا ہے۔

آج جب امریکی سامراج کےبعض نمک خوار دوسروں کےجرائم کو اپنےسر لےکر اپنی وفاداری ثابت کرنےکےدرپےہیں،یونیورسٹی آف ایرینرونا کےپروفیسر Richard M. Eaton کا مضمون جو ۳ اکتوبر ۲۰۰۲ء کےs London Review of Book میں طبع ہوا ہے،عراق پر امریکی جارحیت کےپس منظر کو واقعاتی دلائل کی مد دسےامریکی حکومت کےذمہ دار افراد کےاسماء گرامی کےساتھ ہمیں بتاتا ہےکہ بش کی کابینہ کےافراد اور بعض فکری اداروں سےوابستہ ماہرین نےکس طرح اپنےہاتھ تاپنےکےلیےکےلیےعراق میں آگ بھڑکائی۔ وہ ’’نئی امریکی صدی‘‘ کےمنصوبےکےمصنفین اور کرداروں کی نام بنام نشاندہی کرنےکےبعد امریکہ اور اسرائیل کی سازباز اور عراق پر حملےکےمحرکات وغیرہ پر کھل کر بحث کرتا ہےاور واضح الفاظ میں مشرقِ وسطیٰ میں امریکہ کی خواہش کےمطابق نئےنقشےکےمطابق ممالک کی بندر بانٹ پر روشنی ڈالتا ہے۔ اتنی واضح اور مصدقہ معلومات کےباوجود بعض افراد کا چچا سام کی تسبیح پڑھنا اور پرائےشگون کےلیےبچی کھچی عزتِ سادات کو بھینٹ چڑھانا ان کی عدم بصارت ،عدم بلوغ اور فارغ الذہن ہونےکا ثبوت پیش کرتا ہے۔ بہت عرصہ قبل کسی مستقبل شناس نےصحیح کہا تھا کہ ہوئےتم دوست جس کےدشمن اس کا آسماںکیوںہو؟ جو بذاتِ خود چراغ سےاپنےدامن کو آگ لگانےپر رقص مسرت میںمصروف ہو اس کےآشیانہ کو کسی بیرون پتنگےکی کیا ضرورت !